Halló spalló!
Það er fjórði seinasti dagurinn minní vinnunni í dag. Er að keppast við að klára öll mín verkefni og vinnur áður en ég hætti + það að skipuleggja skrifstofuna (sem er sko EKKI vanþörf á) og svo fannst yfirmanni mínum mjög sniðugt að bæta á mig aukaverkefni í dag. Allverulega stóru aukaverkefni sem tekur líklega 1-2 daga.... Dauði og aftur dauði. En hvað ég hlakka óstjórnlega mikið til að byrja í skóla aftur. Að fara að gera eitthvað fyrir MIG en ekki einhvern kall útí bæ. Úff og púff.
Annar er það helst að frétta að ég skellti mér í River Rafting á miðvikudaginn. Var farin hótelferð í Hvítá og var alveg GEGGJAÐ gaman. Reyndar virtist tilgangur ferðarinnar vera meira í þá átt að hafa fólk meira í ánni heldur en í bátunum þar sem ekkert tækifæri var ónotað til að henta fólki úr bátum, skvetta á aðra báta eða fara í leiki sem miðuðu allir að því að detta útí. Semsagt eitthvað fyrir mig ;) Svo var stoppað á miðri leiðinni í djúpu gljúfri og gátum við klifrað uppá miðjan gljúfravegginn, staðið þar á lítilli steinnibbu og látið okkur vaða 12 metra niður í straumharða ánna! Að sjálfsögðu lét ég mig vaða enda ekki í hörkufélaginu fyrir ekki neitt en þetta var sko drulluscary en samt alveg hreint ótrúlega skemmtilegt. Svo eftir árbuslið var grill, veigar og "chill" uppí skála. Verð að segja að þetta er með skemmtilegri boðsferðum sem ég hef farið í og mæli alveg óhikað með Destination Iceland -takk fyrir mig :)
Svo er ég búin að redda mér fríi á morgun, er að fara í brjálað Eurovison grillpartý og það er verið að spila Gleðibankann í útvarpinu..... Lífið er yndislegt