Jájá ég er annþá á lífi! Ég VEIT ég er löt að skrifa inná þetta blogg en let´s face it, allir (10 einstaklingarnir) sem lesa þessa blessuðu síðu eru hvort eð er fólk sem ég tala við reglulega þannig að...... En anywho.. ef þú ert einhver afvegaleiddur einstaklingur sem hefur villst inná þessa blessuðu síðu mína þá skal ég kynna mig hérmeð... Gebba er ég nefnd, kennd við Spears sökum meints "pjatts" og pæjuskapar útá Spáni. Eitthvað held ég að yngismeyjarnar sem gáfu mér þessa skemmtilegu nafnbót verði að fara að endurskoða málið þar sem pæjuskap og pjatti er ekki fyrir að fara hjá minni konu þessa dagana. Þvert á móti, ég stend nú í óðaönn við að undirbúa mig undir væntanlega þýskalandsdvöl með því að safna hári á öllum stöðum mögulegum (og þið viljið ekki vita HVAR!), æfa mig í hár-túberingum, andlitshárs/skegg-litunum (fyrir ofan efri vörina þið vitið), bjórþambi og jóðli. Ég mun falla inní hið þýska mannlíf eins og flís við rass, -sanniði til!
Þessa dagana hefur Frk. Spears einnig reynt að vera pólitísk og hugsandi og gerðist nýlega harður fylgismaður Vinstri Grænna. Öllum hinum flokkunum er fulllýst í hennar huga með lýsingarorðinu "plebbi" sem er einmitt uppáhaldsorð Gebbu í augnablikinu. En ef þið viljið nánari útlistingu á hvað orðið "plebbi" stendur fyrir þá er það tilgerð, sleikjuskapur, uppskafningsháttur "meikháttur" og ofurpæjuskapur! Gebba er einmitt mikið að spá í að skrá sig í raðir baráttumanna hins eina sanna vinstri flokks og hvur veit, kannski kemst ykkar eina sanna Britney wannabye (jæja ÖNNUR sanna á eftir Erlu) inná þing. Gæti jafnvel orðið ráðherra einn góðan veðurdag! -Eða forsætisráðherra! Ohhh hvað heimurinn væri betri staður ef ÉG gæti stjórnað honum..... Finnst ykkur það ekki?????