mánudagur, febrúar 16, 2004
Þá er helgin liðin eina ferðina enn. Ekkert drukkið en samt djammað sem verður að teljast nýbreytni. Reyndar var nú drykkjan tekin út á kostningadjammi á fimmtudaginn en það er önnur saga... Skrapp í afmæli til Ella á laugardaginn og hélt litli bróðir hans Ella uppi brjálaðri gítarstemmingu. Frekar fyndið að sjá þá bræður saman. Líta nákvæmlega eins út nema að litli bróðir er ultra-karlmannlega tíban af þeim bræðrum. Er svo búin að vera dugleg og læra helling í dag. Fylltist samt hálfgerðri örvæntingu um tíuleitið í kvöld þegar ég var búin að læra í tíu tíma samfleitt og ekki enn búin að klára.. Svona til að skemmta ykkur við eymd mína og volæði ætla ég að deila með ykkur heimalærdómnum mínum fyrir EINN kúrs (ég er í fjórum) fyrri part vikunnar (það eru tveir tímar í hverjum kúrs á viku):
10 blaðsíðna lestur á óskyljanlegu sænsku fræðimáli (svona án gríns þá skil ég ekki orð),
20 blaðsíður af handritalestri í íslenskum fornritum,
100 blaðsíður í aðalnámsbókinni -inniheldur einnig skemmtiefni einsog verkefni og frumhandritalestur
Tvær 120 blaðsíðna fræðibækur um sturlungaöld sem á að kunna svotil utanað og bera saman.
Ítreka það að þetta er bara heimalærdómur fyrir annan af tveimur tímum á viku og svo má ekki gleyma hinum þremur kúrsunum sem ég er í. Eða þessum fjórum ritgerðum og miðsannarprófi sem ég á eftir. Hef óljóst hugboð um að ég fái ekki tíu í meðaleinkun í vor.....
sunnudagur, febrúar 08, 2004
Fyrsta vísindaferð nýs árs var á föstudaginn síðastliðinn. Farið var í bruggsmiðjuna Ámuna og er sá áfangastaður ávísun á að fólk verði ofurölvi, gera sig að fífli, syngi í karókí og drepist niðrí bæ. Undarlegt nokk var það einmitt það sem gerðist.... Allavega, þá mættum við Ása galvaskar niðrí ámu, stundvíslega hálftíma of seinar, þar sem ég barði sagnfræðinga framtíðarinnar fyrst augum. Starfsmenn Ámunnar hafa tekið á móti fullt af fólki í vísindaferðir og vissu greinilega alveg um hvað málið snérist. Voru engin vettlingatök höfð en víninu hellt ofaní mannskapinn strax og maður hætti sér innum dyrnar. Eftir nokkur glös var fólk orðið afar vingjarnlegt og opið og kynntumst við Ása alveg heilmikið af fólki þarna. Eftir Ámuna var haldið á Ölver, það gladdi mig alveg gífurlega enn ég hef reynt að fá vinahópinn með mér þangað í lengri lengri tíma en hefur hingað til aldrei tekist. Allir tóku að ég held lagið og vorum við Asaba engar undantekningar en við hreinlega slátruðum laginu One með U2 og mun enginn sem heyrði þessa útsetningu okkar ná sér andlega eftir þá reynslu. Fórum svo, ég og Ása, niður í bæ að hitta liðið í góðri fylgd tveggja sagnfræðinga. Og þar sem þeir borguðu bílinn leist okkur mjög vel á þá samfylgd hehe. Kíktum á 11 eftir að hafa hitt krakkana en man lítið eftir þeim stað. Helstu minningar mínar þaðan eru að liggja frammá borðið, slefandi á tösku annars mannsins. Glæsikvenndi ég veit. Hafði þó nægja rænu til að ákveða að koma mér heim, staulaðist útí leigubíl og beina leið heim.
Vissuð þið annars að leigubílagjaldið frá miðbænum uppí Grafarvog er fokkings 2480krónur?? Mooorð!!
sunnudagur, febrúar 01, 2004
Var búin að semja langan skemmtilegan pistil um helgina og Döru hina írsku... Blogger smogger vildi svo ekki kannast við íslensku stafinu þannig ég þurfti að endurskrifa allan pistilinn... Svo þegar ég publisaði hann þá eyddist færslan. Piiiiiirrrrrrrrr