fimmtudagur, nóvember 20, 2003
Þeir eru komnir!! Litlu kisulingarnir fæddust í gær og held ég að svei mér þá séu þetta bara sætustu kisur sem ég hef á ævi minni séð. Er allavega búin að sitja fyrir framan kisu og börnin hennar með aulabros á andlitinu í næstum sólarhring... bara virðist ekki geta slitið mig frá þessum krúttum. Það komu annars 3 kisubörn, tvö skjannahvít og eitt hvítt og svart. Við erum ekki enn búin að átta okkur á því hvort þetta séu stelpur eða strákar, er víst frekar erfitt að sjá fyrstu dagana en mér er alveg sama... þau eru svo SÆT :)
þriðjudagur, nóvember 18, 2003
Jæja kindurnar mínar. Það helsta sem á góma hefur borið í mínu lífi undanfarið er eftirfarandi
1. Átakið mikla hefur farið útum þúfur. Skemmdist eftir 2 daga þegar mamma kom heim með pizzu og videóspólu. Ég settist við át, nennti ekki í ræktina og las ekki staf. Svona fór um sjóferð þá!
2. Þrátt fyrir nýuppgötvaða djammáráttu (með hjálp frá Erlu a.k.a. djammóðapésa) fór ég ekki að djamma um helgina. Fór eiginlega bara ekki úr húsi heldur eyddi helginni í ýmis tilgangslaus og skemmtileg verkefni sem koma skóla ekkert við.
3. Ég er flutt inní hjónarúm til mömmu -pabba greyinu hefur verið fleygt í sófann. Neinei það er enginn hjónaskilnaður yfirgnæfandi í Grabbanum heldur er kisa litla að fara að eiga. Móðir mín elskuleg er farin að læsa hana inni hjá sér á næturna ef ske kynni að fæðingin byrji og vill láta mig hjálpa sér. Pabba er ekki treyst til starfans.
4. Þrátt fyrir varúðarráðstafanir vegna fæðingarinnar og þeirrar staðreyndar að hún átti að eiga fyrir 2 dögum láta kettlingarnir enn ekki á sér kræla. Móðir minni er ekki um sel og hefur tekið uppá því að elta kattargreyið útum allt hús, æpandi og gólandi. Einnig reynir hún að bregða ræflinum við hvert tækifæri með því að læðast aftanað henni og æpa. Þetta á víst að hafa hvetjandi áhrif á fæðinguna. Þessa miklu vitneskju fékk hún af netinu... segi ekki meir.
4. Aðferðarfræðipróf og djamm dauðans á laugardaginn. Já það er önnur lota í hinum spennandi hring aðferðarfræðinnar. Fyrri lotu lauk með tapi af minni hálfu... rotaðist og tapaði skammarlega. Núna eftir "strangar" æfingar er planið taka aðferðarfræðidjöfulinn í bakaríið! Sigrinum verður svo fagnað með smá eldvökva í góðra vina hópi um kvöldið.
Until later my children...
þriðjudagur, nóvember 11, 2003
Eitthvað hef ég verið vænd um dugleysi við bloggið og við ykkur kvartanagemlinga vil ég bara segja eitt.... -Skiptið ykkur ekki af mínum bisness! Ég hef nú bara hreinlega verið það "upptekin" (orðið upptekin þýðir hér í þessum pistli LÖT) til að skrifa. Annars hafa hagar mínir breyst á undraverðan hátt síðan ég skrifaði seinast.. segja má að líf mitt hafi snúist 180 gráður frá því er áður var, því í staðinn fyrir letilíf og ómennsku sem áður einkenndi mína skólavist hef ég tekið upp siði lærdómshesta og ræktarbolta. Planið er að lifa tvöföldu lífi, annarsvegar sem mesta bókanörd sem fyrirfinnst á Háskólasvæðinu og hinsvegar sem líkamsræktartröllið ógurlega (já Erla mín, ég skora hérmeð formlega á manninn þinn um nafnbótina! ) "Nýja lífið" er ekki orðið mjög gamalt... byrjaði eiginlega bara í gær en það var sko alveg þrusudagur og stefnir í annan dugnaðardag í dag. Já litlu sykurpúðarnir mínir, EVERYTHING IS HAPPENING!!