Krossfararíkið Narnía.
Fór á téða mynd áðan og get ekki sagt að ég sé mjög hrifin. Ég mundi ekki mikið eftir bókinni og hlakkaði þessvegna nokkuð mikið til að sjá myndina en það rifjaðist þó fljótt upp fyrir mér hversu gríðarlega pirrandi mér þótti bókin. Myndin var alveg eins. Klúðursleg, illa útfærð og pakkfull af bæði kynþátta og kynjafordómum. Enda er megin tilgangur hennar að sjálfsögðu kristniboð en ekki vel samin sögu. Táknin, klisjurnar og allegóríurnar voru bara hreinlega of augljósar til að ég gæti gleymt þeim og notið ævintýrisins og "töfraheimsins". Góða liðið klæddist vestrænum riddarabúningum meðan vonda liðið var með nettu træbal-þriðjaheims ívavi. Höfðingi góða liðsins var karlkyns meðan vonda nornin var kona. -Konan tapaði svo að sjálfsögðu enda hefur lengi verið vinsælt að kvengera óvini vesturlanda. Einu stelpurnar í myndinni voru væsklar og þó var búið að styrkja þeirra hlut miðað við bókina. Er ekki full þreytt að gera svona myndir árið 2005?

Geisp.
Er félagsleg og pólitísk upplausn samfélagsins orsakavaldur Islamistahreyfingarinnar og mannréttindavakningar Norður Afríku. Er óöryggi íbúa og valdatómarúm orsökin fyrir vinsældum þessarar nýju hreyfinga. Já, sá spyr sem ekki veit. Eða hvað með kenningar Perkins um stjórnmálaþróun Túnis á móti kenninga Milton-Edwards um Arabaríkin? Hvenær, hvenær, ó hvenær verður þetta bévítans heimapróf búið?

Jólastemmarinn.
Upplýst IKEA jólatré, kertaljós og væmnum jólalögum sem berast út um kvistgluggann. Maður verður nú að hafa það huggulegt við lesturinn. Annars finnst mér skemmtilegast þessa dagana að skipuleggja jólastúss en ekki læra. Við sambýlingurinn vorum einmitt að enda við að plana æðislegt jólapartý sem skal haldið þann 21. desember en síðan verður haldið í kjól og hvítu á jólaball háskólanna. Sem er haldið á Brodway sælla minninga. Býst við heilum her af menntaskólanemum og einstaka háskólanema sem fæddur er 1985 en það verður bara fyndið. Við sambó ætlum samt að spyrja um skilríki á barnum til að forða litlum börnum frá því að splæsa drykkjum á kellingarnar.

Leyndó...
Jalieg balier saliad talaba alieynbaliimailál. Þalieir balise baliem skaliilj balia faliá bjaliór falirá maliér alií valierð baliau alien. Djaliö faliull laliey balieð aliist maliér.

Boggart á Bessastöðum.
Fór á Bessastaði í gær og fannst dótið hans Óla markverðast. Hann ku eiga málverk upp á óteljandi milljónir króna og ómetanlegar formynjar í kjallaranum, en kolaportslegar styttur og áprentaða steina á efstu hæðinni. Þess má geta að allt flotta dótið hefur grísinn keypt sjálfur en allt kolaportsdótið eru gjafir. Þetta er samt góð vitneskja, ef ég einhverntíma gerist svo forfrömuð að gefa forsetanum pakka þá þarf hann greinilega ekki að vera flottur. Og kallgreyið neyðist samt til að stilla honum upp. Dorrit hlýtur að gráta þegar hún á leið í gegnum þessi herbergi. Útsýnið frá höfðingjasetrinu er líka yndislegt, sérstaklega í svona kyrru og fallegu veðri eins og í gær. Svo einhvern fáránleg rómantík sem svífur yfir vötnum núna. Dagurinn fer næstum allur í ljósaskiptin með allri þeirri litadýrð og svo tekur við stillt og stjörnubjart kvöld þar sem jólaljósin blika í takt við stjörnurnar. Í stíl við væmna skapið fengum við að horfa á Casablanca í skólanum í dag. Hún var æðisleg. Og ég felldi næstum tár.