mánudagur, febrúar 19, 2007
Eins og alþjóð hefur séð er ég eiginlega hætt að blogga. Þrátt fyrir minnimaliskar athugasemdir í athugasemdakerfi síðunnar hefur síminn ekki lint látum með bónum, óskum og hótunum um frekari blogg. Hingað til hef ég verið óhagganleg sökum leti. Eftir að ég sá hótun Ástu Pars hef ég velt bloggfyrirbærinu fyrir mér af eðlislægri djúpskyggni nú síðustu 2 mínúturnar og hef velt upp mörgum athyglisverðum spurningum sem snerta um leið sjálfið, lífið og heiminn. Þær niðurstöður sem ég hef komist að er að bloggið er miðill til að markaðssetja sjálfið í þessu skemmtilega firrta samfélagi. Pakka umbúðarpappír og fallegri slaufu utan um það sem þú vilt að aðrir sjái þig vera. Það er hvati bloggara. Hvati lesenda er svo að sjálfsögðu sá hinn sami og eða læðast í annarra manna dagbækur. Forvitni og gæjuháttur er hefur alltaf verið vinsæll. Ég er nú samt svo mikið á móti markaðssetningu og nútímanum þessa dagana að ég er að spá í að vera líka á móti bloggi. Mínu þar að segja þar sem mér finnst enn mjög skemmtilegt að lesa blogg og dagbækur annarra. Málefnaleg afstaða er miklu flottari afsökun fyrir bloggleysi heldur en helber leti.
Hinsvegar vil ég ekki vera ósanngjörn. Ef ég fæ yfir 1.000 áskoranir í athugasemdakerfið mun ég taka málið til alvarlegrar íhugunar.
föstudagur, desember 08, 2006
Fílharmónikkutónleikarnir voru hinir skemmtilegustu. Þar sem það var uppselt á þá fyrir kristburð ákváðum við starfsnemarnir að fara bara í standpláss. Maður getur sumsé mætt samdægurs, beðið i röð í 2-3 klukkutíma og fengið standmiða á 3 evrur. Til samanburðar kosta miðar á gólfinu sirka 200 evrur. Hef ég gert þetta áður og alltaf verið fínt stemmning í röðinni. Allir tjillaðir í gallabuxum og mæta með spil, bækur og gítarra í röðina. En ekki núna. Þar sem þetta var víst eitthvað "event" í Vín þá var allt snobblið borgarinnar mætt á svæðið. Og þeir sem fengu ekki 200 evru sætin urðu að sætta sig við stæðin. Við krakkarnir eignuðumst góða vinkonu þarna í röðinni sem mætti til leiks í svaðalegum satínkjól, stuttum minkapels og með demanta. Henni fannst við eiga lítið erindi á þennan viðburð og gerði sitt besta til að troðast fyrir framan okkur í röðinni og stela stæðunum okkar. Þegar við skömmuðum hana og báðum hana að vera ekki að þessari frekju hvæsti hún á okkur ,,vinur minn dó í gær!". Einmitt, og þessvegna var hún í ballátfitti á tónleikum? En lítilmagninn hrósaði sigri að lokum og demantadrottningin flúði af hólmi þegar við kölluðum á vörð. En annars voru tónleikarnir töff sko. Mun horfa á þessa bleijuauglýsingu með öðrum augum eftir þetta.
þriðjudagur, desember 05, 2006
Ohhh ég er svo menningarleg. Í kvöld hlýði ég á Requiem eftir Mozart, í flutningi Fílharmónikkunnar í Vín. Tótallí. Ég plataði Ástu á msn í gær og sagði að ég vissi ekkert hvað Requiem væri en hefði verið sagt að það væri krúttlegt. Henni var ekki skemmt. Ég var samt tótallí að ljúga. Ég hef alveg heyrt það. Það er til dæmis oft bleyjuauglýsing í sjónvarpinu þar sem þeir spila stefið úr Requiem undir.
mánudagur, desember 04, 2006
Í örvæntingu leita ég að einhverju skemmtilegu til setja á þessa síðu. En til einskis. Ég er greinilega bara fremur leiðinleg. Allavega dettur mér ekkert skemmtilegt í hug. Í dag fór ég á fund í sendiráði Ungverjalands (kastala). Það var þjónn sem tók á móti mér og fylgdi mér í gegnum kastalann. Það var töff. Hvað annað. Já ég bauð sambýlingnum honum Peter í mat í kvöld. Eftir að hafa þekkst matarboðið sá hann alfarið um innkaup og eldamennsku. Bragðaðist vel. Ætti ég að taka þessu sem vantraustsyfirlýsingu? Ætli honum hafi ekki litist á kæstan hákarl úr frystinum..
föstudagur, desember 01, 2006
Var á basar hjá kvennfélagi Sameinuðu Þjóðanna. Ógjó töff básar frá öllum heimshornum. Keypti furðulegt stöff. Held að ókeypis rauðvín sé mjög söluhvetjandi. Gott að ég bý ekki í Vín mikið lengur. Annars hefði ég líka keypt þunga furðulega hluti.
þriðjudagur, nóvember 07, 2006
Aðsóknin á síðuna mína hefur hrapað. Nú er nauðsynlegt að blása til sóknar með einhverjum snjöllum markaðsbrögðum. Á meðan ég upphugsa eitthvað sniðugt skal ég deila með ykkur uppskrift sem ég sendi til nokkurra erlendra félaga minna um daginn:
Whale a la grill:
Taka a jucy pice of whale steak season with salt and pepper.
Grill the raw whale meat for 2 min. each side and serve with fresh lemon.
Enjoy!
With lots of love from Iceland.
Fólki fannst þetta almennt séð ekki fyndið. En einhvernveginn verðum við að byrja að markaðssetja þessa fitukeppi.