þriðjudagur, janúar 27, 2004
Oh dear, you horrible person! You are the EVIL one
who stomps spiders and bullies the postman!
What Garfield Personality do you Have?
brought to you by Quizilla
mánudagur, janúar 26, 2004
Fyrir fáfróða þá var partý ársins (enn sem komið er allavega) heima hjá Hlíbbinu að Lindabakka 13 í Kópavoginum (hverfi Dauðans..). Tilefnið var 23 ára afmæli Hlífar og Auðar en þær stallsystur fögnuðu samtals 46 afmælisdögum og geri aðrir betur! Veisluhaldarar voru mjög rausnarlegir og buðu uppá bollu, glæsilegar kökur og veitingar sem algerlega spilltu nýja átakinu mínu.. Það var alveg massa stuð og lauk kvöldinu með gítarglamri og bongótrommuslætti þar sem allur hópurinn tók lagið einsog fullum Íslendingum einum er lagið. Nenni eiginlega ekki að skrifa meira í bili en endilega kíkið á myndir af kvöldinu. Snilld.
Allodoxaphobia- Hræðsla við skoðanir.
Androphobia- Hræðsla við karlmenn
Bogyphobia- Hræsla við Grýlu og Leppalúða.
Cacophobia- Hræðsla við að vera ljótur
Catoptrophobia- Hræðsla við spegla.
Chirophobia- Hræðsla við hendur
Coitophobia- Hræðsla við kynmök.
Didaskaleinophobia- Hræðsla við að fara í skólann.
Eleutherophobia- Hræðsla við sjálfstæði.
Geniophobia- Hræðsla við hökur.
Geumophobia- Hræðsla við bragð.
Heterophobia- Hræðsla við hitt kynið.
Hypegiaphobia- Hræðsla við ábyrgð.
Ithyphallophobia- Hræðsla við að sjá, hugsa um eða vera með standpínu.
Judeophobia- Hræðsla við gyðinga.
Logophobia- Hræðsla við orð.
Metathesiophobia- Hræðsla við breytingar
Obesophobia- Hræðsla við að bæta á sig þyngd.
Ouranophobia- Hræðsla við himininn.
Pantophobia- Hræðsla við allt.
Pellagrophobia- Hræðsla við húðangur.
Phronemophobia- Hræðsla við að hugsa.
Stasiphobia- Hræðsla við að standa eða labba
Xenophobia- Hræðsla við ókunnuga eða útlendinga.
miðvikudagur, janúar 21, 2004
Það var víkingalottó í kvöld og ég vann ekki. Ég sem var búin að eyða öllum vinningnum fyrirfram í huganum... Þetta er farin að vera vikulegur viðburður. Lúði er ég ef ég verð háð Lottói...
sunnudagur, janúar 18, 2004
Þá er þæginlegasta helgi ársins liðin. Er ekkert búin að gera nema að liggja uppí sófa með elskunum mínum (kisulingum fyrir fáfróða) og lesa barnabækur. Og það besta er að ég var að læra! Ég er nebblega í kúrs sem heitir Barna og Unglingabókmenntir og tókst mér að lesa næstum helminginn af námsefni vetrarins í einum rikk -dugleg stelpa. Svo er það kaffihús á eftir með stelpunum og frí í skólanum á morgun.. Ljúfa lífið heldur áfram hehe. Það var ekkert djamm um helgina en Idolgláp á föstudaginn og var ekkert smá ánægð með úrslitin!! Kalli Bjarna er BEZTUR!!!!
miðvikudagur, janúar 14, 2004
Djöfull er ég dugleg! Vaknaði klukkan 7 til að fara í sturtu, borðaði og komin á Hlöðuna fyrir 8. Ekki af því að ég á að mæta klukkan 8 heldur bara af því að ég er svoooo dugleg að læra! Þessi önn verður nebblega tekinn með trompi og er gerð krafa um að fá tómar tíur á vorprófunum. Eini gallinn á þessari annars fínu sagnfræðibraut eru morðdýrar bækur og hefti sem kosta tugi og örugglega bráðum hundruðir þúsunda. Tók einmitt kast á eitthvað strákgrey í Guðnastofu í fyrradag. (Guðnastofa er sérviska sagnfræðinema en þeir geta ekki verslað í Háskólafjölritun eins og allir aðrir heldur verðum við að klöngrast uppá háaloft í Árnagarði og þeir hafa ekki posa=dauðasök)Viðkomandi strákur vildi ekkert kannast við að þetta væri sérviska, fannst verðið á blaðasneplunum gott og greinarnar "frábærar". Komst að því síðar að hann á greinar í þessum blessuðum heftum. Helvítis melurinn! Græðir á eymd minni og volæði. Kom nú samt skoðun minni um svínaríið á framfæri og tilkynnti honum það að við Ása ætluðum bara að kaupa eitt eintak af öllu og ljósrita þau svo. Þurfti að fara aftur í þessa blessuðu Guðnastofu í gær og við horfðum á hvort annað illum augum.. Ég er búin að eignast óvin.
fimmtudagur, janúar 08, 2004
Jæja þá er skutlan* snúin aftur til bloggheima eftir ánægjulegt jólafrí. Því var mestmegnis eitt í leti og ómennsku sem er einmitt mín uppáhalds afþreying. Ég er búin að tileinka einn sófa heimilisins mér, en þar á ég nú permanent rassafar eftir maraþon sjónvarpsgláp og bókalestur. Kisulingarnir mínir voru sérdeilisprýðilegir hangifélagar en þau eru alltaf til í áðurnefnda leti, ómennsku og smá slagsmál inná milli. Ég er annars búin að eignast sálufélaga í litlu læðunni minni en hún er sá mesti leti og nautnaseggur sem ég þekki. Þrátt fyrir ungan aldur er sú dama alveg búin að komast að því hver ræður í okkar sambandi (smá hint -það er ekki ég..). Hún borðar meira en ég og ef hún er ekki að láta klóra sér þá finnurðu hana hjá matarskálinni. Hún er einmitt komin með þessa líka fínu bumbu og ætlum við að fara saman í megrun á nýja árinu. En nóg um köttinn.
Skólinn er líka byrjaður aftur og núna á alveg splúnkunýrri braut að nafni sagnfræði. Vesalings foreldrar mínir andvarpa yfir þessu stefnuleysi og ég fæ að heyra það á innsoginu nokkrum sinnum á dag að enn á ný hafi ég valið vitlaust og það sé bara tímaspursmál hvenær ég "sjái ljósið". Þ.e. fari í viðskiptafræði (pabbi) eða læknisfræði (mamma). Vill ég bara verða einhver kennari eða hvað?? Þessi vetur leggst nú samt vel í mig og ég er æðispennt yfir nýja náminu. Eina sem ég er ekki spennt yfir eru bókakaup og fjárútlát. Verð að fara að finna mér vinnu eða ríkan eldri mann. Annað bara gengur ekki.